طريقه عمل عيش شمسى(صعيدى)مقدم من الشيف/حسن كمال حسين مدة التحضير120 ومدة الطهى 15 دقيقة المقادير

2019-01-31 18:53:02


كيلو دقيق
ملعقه خميرة جافه
ملعقه ملح صغيره
0.5 كوب ماء
ماء دافئ للعجن
الطريقة 
هنحضر الخميره نضع ملعقة الخميرة في نص كوب ماء دافئ وهنجيب طبق ونعجن الخميره المذابه بكوب دقيق ونغطيها ونسيبها في مكان دافي تخمر 
ثم هنجيب اناء عميق ونحط حوالي 2كوب ماء دافئ ونذوب ملعقة الملح ونجيب الخميرة ونحطها فيها (اللي عجناهاسابقا)ونحط الدقيق ونعجن لما يختفي الدقيق كله هنبل أيدينا ماء ونكمل عجن ولو لقيناها شاده شويه هنضيف ماء قليله جدا ونعجن لما تبقى معانا عجينه مرنه وبتفرد لوحدها
هنجيب صينيه ونرشها بالرده ونقطع العيش ارغفه صغيره ونحطها تحت المروحه علشان الايام ساقعة ولو فى الصيف نتركة فى الشمس ونفرد ببطن الايد بالراحه ونسيبه تحت المروحه لما يبتدي يخمر ونحس أنه هيعمل طبقه تاني من تحت نقلبه عالناحيه الثانيه ونخف الرده من عليه بنمسحه بشاش خفيف ونسيبه لما ينشف شويه حوالي نص ساعه اوربع وبعدين نقلبه تاني عالناحيه الأولى ونمسح الرده خالص هنسخن الفرن أنا عملته في فرن البوتاجاز شغلتها من تحت وسبتها تسخن كويس

هنفتح العيش من عالجوانب بابره أو دبوس ونروح نرصه في الفرن ونقفل عليه (عالصاج)مش الشبكه لما يعلي ويزيد حجمه وياخد لون اصفر من تحت هنشغل النار من فوق ونطفي اللي تحت لما يحمر وشه ونهويه لما يبرد وبالف هنا

ربما تحتوي الصورة على: ‏‏شخص واحد‏، و‏‏طعام‏‏‏




موضوعات ذات صلة