ﺍﻟﻘﺮﻉ ﺍﻟﻌﺴﻠﻲ ﺍﻟﺤﻠﻮ للشيف ياسر غريب

2019-03-10 19:28:40


ﺍﻟﻤﻘﺎﺩﻳﺮ

1 ﻛﻴﻠﻮ ﻗﺮﻉ ﻋﺴﻠﻲ

ﻧﺼﻒ ﻛﻴﻠﻮ ﺳﻜﺮ

ﻓﺎﻧﻴﻠﻴﺎ

ﻟﺒﻦ

3 ﻣﻼﻋﻖ ﻛﺒﻴﺮﺓ ﺳﻤﻦ

( ﻳﻜﻮﻥ ﺑﻠﺪﻱ ﻃﺒﻌﺎً )

3 ﻣﻼﻋﻖ ﻛﺒﻴﺮﺓ ﺩﻗﻴﻖ

ﻛﻮﺏ ﻟﺒﻦ

ﻣﻜﺴﺮﺍﺕ ﻣﺤﻤﺼﺔ

ﺟﻮﺯ ﻫﻨﺪ ﻣﺒﺸﻮﺭ

ﻗﺮﻓﺔ ﻣﻄﺤﻮﻧﺔ

ﺍﻟﻄﺮﻳﻘﺔ

ﺍﻷﻭﻝ ﺑﻨﻘﻄﻊ ﺍﻟﻘﺮﻉ ﺍﻟﻌﺴﻠﻲ ﺷﺮﺍﺋﺢ ﻛﺪﻩ

ﻭ ﺑﻌﺪﻳﻦ ﻧﻘﻄﻌﻪ ﻣﻜﻌﺒﺎﺕ ﻛﺪﻩ

ﻭ ﻧﺤﻄﻪ ﻓﻲ ﺣﻠﺔ ﻋﻠﻰ ﺍﻟﻨﺎﺭ ﻭ ﻋﻠﻴﻪ ﺍﻟﺴﻜﺮ

ﻭ ﻧﻬﺪﻱ ﺍﻟﻨﺎﺭ ﻋﻠﻴﻬﻢ ﺧﺎﺍﺍﻟﺺ ﺑﺪﻭﻥ ﺃﻱ ﺍﺿﺎﻓﺎﺕ

ﻭ ﻧﻐﻄﻲ ﺍﻟﺤﻠﺔ ﻛﻮﻳﺲ

ﻫﻨﻼﻗﻲ ﺑﻌﺪ ﻛﺪﻩ ﺍﻟﻘﺮﻉ ﻧﺰﻝ ﻣﺎﻳﺔ ﻭ ﺍﻟﺴﻜﺮ ﺫﺍﺏ ﻓﻴﻪ

ﻭ ﻛﻤﺎﻥ ﺍﻟﻘﺮﻉ ﻫﻴﻜﻮﻥ ﺍﺳﺘﻮﻱ

ﺑﺲ ﻣﺎﻧﺴﻴﺒﻬﻮﺵ ﻟﺤﺪ ﻣﺎ ﻳﺘﻬﺮﻱ ﺍﻭﻱ

ﻧﺤﺎﻭﻝ ﻧﺤﺎﻓﻆ ﻋﻠﻴﻪ ﻣﻜﻌﺒﺎﺕ ﻋﻠﻲ ﺍﺩ ﻣﺎ ﻧﻘﺪﺭ

ﻭ ﻧﺤﻄﻪ ﻓﻲ ﻣﺼﻔﻲ ﻋﻠﺸﺎﻥ ﻧﻔﺼﻞ ﺍﻟﻌﺼﻴﺮ ﺍﻟﻠﻲ ﻧﺰﻝ ﻋﻦ ﺍﻟﻘﺮﻉ

ﻭ ﺑﻌﺪﻳﻦ ﻧﻌﻤﻞ ﺍﻟﺒﺎﺷﺎﻣﻴﻞ

ﻧﺤﻂ ﺍﻟﺴﻤﻦ ﻋﻠﻲ ﺍﻟﻨﺎﺭ ﻭ ﻟﻤﺎ ﻳﺴﺨﻦ ﻧﺤﻂ ﺍﻟﺪﻗﻴﻖ ﻭ ﻧﻘﻠﺐ ﻟﺤﺪ ﻣﺎ ﻳﺒﺪﺃ ﻳﺎﺧﺪ ﻟﻮﻥ ﺫﻫﺒﻲ ﻓﺎﺍﺍﺗﺢ ﻭ ﺑﻌﺪﻳﻦ ﻧﺤﻂ 2 ﻛﻮﺏ ﻣﻦ ﺍﻟﻌﺼﻴﺮ ﺍﻟﻠﻲ ﻧﺰﻝ ﻣﻦ ﺍﻟﻘﺮﻉ ﻭ ﻧﻘﻠﺐ ﺑﺴﺮﻋﺔ ﻛﻮﻳﺲ ﻋﻠﺸﺎﻥ ﻣﺎ ﻳﻜﻠﻜﻌﺶ ﻭ ﺑﻌﺪﻳﻦ ﻧﺤﻂ ﻛﻮﺏ ﺍﻟﻠﺒﻦ ﻭ ﻋﻠﻴﻪ ﺍﻟﻔﺎﻧﻴﻠﻴﺎ ﻭ ﻧﻔﻀﻞ ﻧﻘﻠﺐ ﻟﺤﺪ ﻣﺎ ﻳﻐﻠﻆ ﻗﻮﺍﻣﻪ ﻭ ﻳﻜﻮﻥ ﺯﻱ ﻗﻮﺍﻡ ﺍﻟﺒﺎﺷﺎﻣﻴﻞ

ﻭ ﻛﺪﻩ ﺍﻟﺒﺎﺷﺎﻣﻴﻞ ﺧﻠﺺ

ﻃﻴﺐ ﺍﻟﻠﻲ ﻋﺎﻣﻠﺔ ﺭﺟﻴﻢ ﻭ ﻣﺶ ﻋﺎﻳﺰﺓ ﺳﻤﻦ ﻭ ﺩﻗﻴﻖ ﻣﺤﻤﺮ ﻭ ﺍﻟﺤﺎﺟﺎﺕ ﺩﻳﻪ ﺗﻌﻤﻞ ﺍﻳﻪ ؟؟

 

ﻣﺎﻓﻴﺶ ﻣﺸﻜﻠﺔ

ﺣﻄﻲ ﻛﻮﺑﺎﻳﺘﻴﻦ ﺍﻟﻌﺼﻴﺮ ﻋﻠﻲ ﻛﻮﺏ ﺍﻟﻠﺒﻦ ﺑﺎﻟﻔﺎﻧﻴﻠﻴﺎ ﻋﻠﻲ ﺍﻟﺪﻗﻴﻖ ﻓﻲ ﺍﻟﺨﻼﻁ

ﻭ ﺍﺿﺮﺏ ﻳﺎ ﻣﻌﻠﻢ ﻟﺤﺪ ﺍﻟﺘﺠﺎﻧﺲ ﺍﻟﺘﺎﻡ

ﻭ ﺑﻌﺪﻳﻦ ﺣﻄﻴﻬﻢ ﻋﻠﻲ ﺍﻟﻨﺎﺭ ﻟﺤﺪ ﻣﺎ ﻳﻐﻠﻆ ﺍﻟﻘﻮﺍﻡ ﻭ ﻛﺪﻩ ﻧﻜﻮﻥ ﺑﺮﺿﻪ ﻋﻤﻠﻨﺎ ﺑﺸﺎﻣﻴﻞ

ﻭ ﻣﺎﻓﻴﺶ ﺣﺪ ﺍﺣﺴﻦ ﻣﻦ ﺣﺪ

ﻧﺪﺧﻞ ﺑﺄﻩ ﻋﻠﻲ ﺻﻴﻨﻴﺔ ﺍﻟﻘﺮﻉ ﺷﺨﺼﻴﺎً

ﻧﺠﻴﺐ ﺍﻟﺼﻴﻨﻴﺔ

( ﺗﻜﻮﻥ ﺻﻴﻨﻴﺔ ﻭﺳﻂ )

ﻭ ﻧﺪﻫﻨﻬﺎ ﺳﻤﻦ ﺍﻭ ﺯﻳﺖ ﺯﻱ ﻣﺎ ﺗﺤﺒﻮ

ﺑﺲ ﺍﻧﺎ ﺑﻌﻤﻞ ﻛﻞ ﺣﺎﺟﺔ ﺑﺎﻟﺴﻤﻦ ﺍﻟﺒﻠﺪﻱ

ﻭ ﺑﻌﺪﻳﻦ ﻧﺠﻴﺐ ﺍﻟﺒﻘﺴﻤﺎﻁ ﺍﻟﻠﻲ ﺑﻨﻌﻤﻞ ﺑﻴﻪ ﺍﻟﺒﻔﺘﻴﻚ ﻭ ﻧﺒﻄﻦ ﺑﻴﻪ ﺍﻟﺼﻴﻨﻴﺔ

( ﻳﻌﻨﻲ ﻧﺮﺵ ﺭﺷﺔ ﻓﻲ ﺍﻟﺼﻴﻨﻴﺔ ﻋﻠﻲ ﺍﻟﺴﻤﻦ ﺍﻭ ﺍﻟﺰﻳﺖ ﻟﺤﺪ ﻣﺎ ﻳﻐﻄﻲ ﻛﻞ ﺍﻃﺮﺍﻑ ﺍﻟﺼﻴﻨﻴﺔ ﻭ ﻗﻌﺮﻫﺎ ﻛﻤﺎﻥ )

ﻭ ﻧﺤﻂ ﻧﺼﻒ ﺍﻟﻘﺮﻉ ﺍﻟﻌﺴﻠﻲ ﺍﻟﻠﻲ ﻋﻤﻠﻨﺎﻩ ﻣﻦ ﻏﻴﺮ ﻣﺎ ﻧﻬﺮﺱ ﺑﺄﻩ ﻭ ﻻ ﺣﺎﺟﺔ

( ﻓﻲ ﻧﺎﺱ ﺑﺘﺤﺐ ﺍﻟﻘﺮﻉ ﻳﻜﻮﻥ ﻣﻬﺮﻭﺱ ﺍﻭ ﻣﻀﺮﻭﺏ )

ﻭ ﻧﺤﻂ ﺍﻟﻤﻜﺴﺮﺍﺕ ﺍﻟﻤﺤﻤﺼﺔ ﻭ ﺟﻮﺯ ﺍﻟﻬﻨﺪ ﺍﻟﻤﺒﺸﻮﺭ

( ﺍﻟﻠﻲ ﺑﻴﻌﻤﻠﻮﺍ ﺭﺟﻴﻢ ﺑﺄﻩ ﺍﻟﻤﻜﺴﺮﺍﺕ ﻣﺎﻓﻴﺶ ﺑﺘﺎﺗﺎً )

ﻭ ﻧﺤﻂ ﺍﻟﻄﺒﻘﺔ ﺍﻟﺘﺎﻧﻴﺔ ﺑﺎﻗﻲ ﺍﻟﻘﺮﻉ ﺍﻟﻌﺴﻠﻲ ﻛﻠﻪ

ﻭ ﻧﺤﻂ ﻋﻠﻲ ﺍﻟﻮﺵ ﺍﻟﺒﺎﺷﺎﻣﻴﻞ ﺍﻟﻠﻲ ﻋﻤﻠﻨﺎﻩ

ﻭ ﻓﻲ ﺍﻻﺧﺮ ﺑﺄﻩ ﻋﻠﻲ ﺍﻟﻮﺵ ﻧﺮﺵ ﺭﺷﺔ ﻗﺮﻓﺔ ﺗﺪﻱ ﻟﻮﻥ ﻭ ﺭﻳﺤﺔ ﺟﻨﺎﺍﺍﻥ

ﻋﻠﻲ ﻓﻜﺮﺓ ﻓﻲ ﻧﺎﺱ ﺑﺘﺤﻂ ﻧﺼﻒ ﻛﻤﻴﺔ ﺍﻟﺒﺎﺷﺎﻣﻴﻞ ﺗﺤﺖ ﺧﺎﻟﺺ ﻗﺒﻞ ﺍﻟﻘﺮﻉ ﻓﻲ ﺍﻟﺼﻴﻨﻴﺔ ﻭ ﺍﻟﻨﺼﻒ ﺍﻟﺒﺎﻗﻲ ﻋﻠﻲ ﺍﻟﻮﺵ

( ﻣﻤﻜﻦ ﺗﻌﻤﻠﻲ ﻛﺪﻩ ﻋﺎﺩﻱ )

ﻧﺤﻂ ﺍﻟﺼﻴﻨﻴﺔ ﻓﻲ ﺍﻟﻔﺮﻥ