•• لحد إمتى •• •• أشعار •• عمادالدين العيطة

2019-09-11 02:01:32



ياما ناس .. فى الدنيا
عايشة قادرة وفاجرة ..
وفاكرة إن الظلم عادى
وغيرها ناس داقت المر ..
 بس صابرة
وناس خلقها ربى عبرة
أهو كله قدام عيونى وقصادى
وهنحلم بنور إزاى ..
وقلوبنا من جواها ضلمة
دا حتى لون الورد أصبح رمادى
مخنوق وياخنقة سمايا بسوادها
فين راح قمرها الليلادى
والفرحة ليه بس بتغير صفتها
مش سألة فينا مهما ننادى
ومهما نرسم بلون الحب
ونلون حيطانها
ومهما نحلم ونكتب أسامى
تيجى رياح الغدر تكسر حيطانها
ونعيش حياتنا تايهة جوانا الأسامى
ولحد إمتى هفضل ألعن ميلادى
ولحد إمتى هفضل أعلن حدادى ..؟
عمادالدين العيطة