قصيدة *وبستناك* للشاعر / محمد عمادالدين

2019-11-08 02:55:41


الشاعر/ محمد عمادالدين
*****************
غبت ونسيت
عشت وحبيت
بعدت ..
مهانش عليك عشت
ولا انتهيت !
وإن كان عليا
فأنا من بعدك 
وحيد..
وإن قالولك عاش
واتحرك!
فأنا ببكى عليك
من يوم فراقك
من يوم ممشيت!
محاط بطيفك
ف كل مكان !
ف كل شارع !
ف كل ميدان !
ف وش كل إنسان !
وحياتى أصبحت مجرد
شوية ذكريات 
صدفه
لما اسمع أغنيه 
كنا بنحب نسمعها
زمان ..
وأروح هنا وهناك
تاخدنى روحى لمكان
كنا بنحكى فيه
ساعات ..
وبستناك 
وحياتى معاك
وروحى فداك
ويحرم عليا غيرك
وقلبي ليك
وطول الوقت وياك
وعقلي يفكر فيك
انا من غيرك
تايه ف دنيا كلها
احزان ..
بالى مشغول 
ي ترى فاكرنى ؟
وباجى ف بالك
علطول !
ولا غيرى خد مكانى
وملى فراغ قلبك
المجروح..
بنبره حزينه معتاده
بوجهلك رساله كالعاده
وحشتنى ..
فراقك على عينى
غيابك سهرنى
وعنيا مبقتش تعرف
طعم النوم !
امتا نرّجع ليالى
زمان!
امتا هنسهر نقول 
كلام!
امتا هتيجى !
امتا هترجع !
امتا هبطل افكر 
نرجع!
نفسي أقولك انى وحيد
وان وجودك جنبي اكيد
بيكون ليا زى العيد
بطّل غربه غيابك
طال!
بطّل تنسي انى هعيش
وانى لغيرك هقدر
أعيش..